Асуджаны былы намеснік дырэктара «Віцязя» яшчэ вінен Br32 млрд
25- 22.04.2013, 19:29
Віцебскі абласны суд прызнаў Аляксея Жукоўскага вінаватым у атрыманні буйных хабараў, злоўжыванні службовымі паўнамоцтвамі і крадзяжы.
Беларускі тэлеканал ОНТ паведамляе, што «былы кіраўнік яшчэ ў 2005 годзе стварыў злачынную групу. У яе ўваходзілі два змоўнікі з ліку работнікаў завода і камерцыйны прадстаўнік замежнай кампаніі. Створаная група рэгулярна на працягу двух гадоў нібыта перамагала ў тэндэрах на пастаўку камплектовых вырабаў для тэлевізараў».
Вераніка Пасмецьева, старшая оперупаўнаважаная ў асабліва важных справах ГУБЭЗ МУС Беларусі заявіла:
«Завышаным коштам купляліся камплектовыя вырабы і пастаўляліся на «Віцязь», за што Жукоўскі атрымліваў неаднаразова хабары. Адале, калі збіраліся тэлевізары на «Віцязі», праз камерцыйныя структуры яны накіроўваліся для рэалізацыі ў Расейскую Федэрацыю без кантрактаў і папярэдняй аплаты. Грошы здымаліся гатоўкай праз псэўдапрадпрымальніцкія структуры і размяркоўваліся паміж усімі ўдзельнікамі групы» .
Тэлевізарамі з нізкім коштам утаргавалі амаль Br 80 млрд. Шэрую «схему» выявілі яшчэ ў 2006 годзе, але чыноўнік здолеў схавацца. І толькі праз пяць гадоў міжнароднага вышуку Жукоўскага этапавалі ў Беларусь.
Паводле пастановы суда Жукоўскі не толькі адправіцца ў калонію, але і павінен будзе сплаціць былому працадаўцу Br 32 млрд.