У гарах Абхазіі тры дні шукаюць турыста з Беларусі
4- 2.05.2013, 16:49
Беларускі турыст Аляксандр Болахаў заблудзіўся ў гарах Абхазіі.
Радыус пошуку зніклага беларускага турыста ў Абхазіі пашыраны да 30 кіламетраў ад месца апошняга выхаду мужчыны на сувязь, паведамляе ОНТ.
Беларуса шукаюць міліцыя і выратавальнікі - тры пешых групы і падраздзяленне на конях. Аляксандр Болахаў прыехаў у рэгіён як турыст і знік у ваколіцах высакагорнага возера Рыца. Паводле інфармацыі сваякоў, за гэтыя дні - а шукаюць яго з 29 красавіка - мужчына некалькі разоў выходзіў на сувязь і паведамляў, што не можа знайсці дарогу.
«Мы ў адзін бок людзей адправілі, у іншы. Усе паведамленыя, усе, хто праходзяць. Там адпачывальнікі шпацыруюць натоўпамі. Усіх, хто туды ідзе, просім, каб, калі сустрэнуць яго, паведамілі нам і дапамаглі яму выбрацца. Шанцы ёсць, ён жывы, ён сам перасоўваецца. Усё насельніцтва рэспублікі абвешчанае», - заяўляе Аляксандр Агоеў, начальнік атрада пошукава-выратавальнай службы МНС Абхазіі.
Пошукі абцяжарваюць складаны горны рэльеф і густы лес. Але галоўная праблема, паведамілі ў службе выратавання, гэта тое, што турысты прыязджаюць «дзікунамі» і не рэгіструюцца па месцы знаходжання. Экстрэмалы разлічваюць толькі на свае сілы і навігатары.
Але часцяком тэхніка падводзіць і падобныя вандроўцы блытаюць па гарах.