Госці з Расеі паркуюцца прама на тратуарах

У мінулую суботу кіроўцы адразу некалькіх машын з расейскімі нумарамі прыпаркаваліся ў пешаходнай зоне на скрыжаванні пр. Незалежнасці - вул. Леніна.

Фатаграфію размясціў удзельнік форуму Onliner. Па яго словах, адразу ж прыбылі супрацоўнікі ДАІ і аштрафавалі ўсіх парушальнікаў. Адзін з іх, кіроўца Porsche, вельмі абураўся.

Падчас вялікіх святаў у Расеі нашы дарогі і вуліцы запоўніліся аўтамабілямі з суседняй краіны. Вось якую фотасесію зрабіў каля Брэсцкай крэпасці яшчэ адзін удзельнік форуму. Ён звярнуўся да парушальнікаў: Пасля ўбачанага толькі хочацца сказаць гасцям нашай краіны: «Не вытварайце такога, у нас так не прынята!»