Андрэй Кулебін стаў чэмпіёнам свету па муай-тай

Беларус заваяваў тытул чэмпіёна свету на турніры Max Muay Thai 2013.

Турнір прайшоў у Тайландзе. Андрэй Кулебін быў адным з чатырох прэтэндэнтаў на тытул, у выніку менавіта беларус стаў пераможцам. У фінале Кулебін сустракаўся з ужо вядомым яму тайцам Петашвінам Шэатранферы, піша «Прессбол».

У першым баі Андрэй Кулебін перамог байца з Уганды Умара Сямату. У другім паўфінале таец Петашвін Шэатранферы ўзяў верх над бразільцам Жосам Мяндонкай. У фінальным паядынку Кулебін адправіў Шэатранферы ў накаўт ў другім раўндзе. Гэтаму паспрыяў удар нагой.

З Шэатранферы Кулебін сустракаўся і раней, калі на турніры «Каралі Муай Тай» у Гродна накаўтаваў суперніка ўдарам локця.

У лістападзе мінулага года беларусы Андрэй Кулебін і Віталь Гуркоў выйшлі ў фінал прэстыжнага міжнароднага турніру Thai Fight.