У чаканні шостай раты

Рада АКФ ЕўрАзЭС ухваліла ліст аб намерах Беларусі на шостую рату.

Пастанова аб выдзяленні апошняй раты ў суме 440 мільёнаў даляраў будзе прымацца ў лістападзе 2013 года.

Рада Антыкрызіснага фонду ЕўрАзЭС (АКФ) ухваліла ўзгоднены з кіраўніком ліст аб намерах урада і Нацыянальнага банка Рэспублікі Беларусь на 2013 год, што фармулюе ўмовы выдачы астатняй шостай раты фінансавага крэдыту АКФ ў суме 440 мільёнаў даляраў, паведамляе прэс-служба фонду.

У лісце аб намерах урада і Нацбанка няма «ніводнага новага параметру стабілізацыі».

Раней намеснік старшыні праўлення ЕАБР Сяргей Шаталаў заявіў у інтэрв'ю агенцтву ПРАЙМ, што «ў адпаведнасці з зацверджаным сторанамі графікам, падрыхтоўка высновы аб выкананні ўмоў праграмы будзе весціся ў кастрычніку 2013 года. Выдзяленне раты запланаванае на лістапад... Трэба пераканацца, наколькі ўстойлівая стабілізацыя агулам, як ідуць справы з плацежным балансам, ці ўстойлівая тэндэнцыя да зніжэння інфляцыі, наколькі эфектыўныя крокі ўрада і Нацыянальнага банка Беларусі для рэалізацыі ўсіх умоў праграмы - як кантрольных, так і індыкатыўных».

Сяргей Шаталаў адзначыў, што занепакоены значнымі аб'ёмамі крэдытавання дзяржпраграм у Беларусі, а прыватызацыя з'яўляецца важнай індыкатыўнай умовай стабілізацыйнай праграмы.

На думку намесніка старшыні праўлення ЕАБР, казаць аб новай, наступнай стабілізацыйнай праграме Антыкрызіснага фонду (АКФ) ЕўрАзЭС для Беларусі пакуль яшчэ рана. Беларусь і не звярталася па новы крэдыт.

Пагадненне паміж Беларуссю і Еўразійскім банкам развіцця, што кіруе сродкамі АКФ ЕўрАзЭС, для выдзялення крэдыту на суму 3 мільярды даляраў шасцю ратамі падпісанае 9 чэрвеня 2011 года. Першая рата на 800 мільёнаў даляраў ЕАБР пералічыў у Беларусь у чэрвені 2011 года, астатнія чатыры раты сумай 440 мільёнаў даляраў паступілі ў снежні 2011 года, у чэрвені 2012 года, у студзені 2013 года і ў красавіку 2013 года.