Джэнтльменскі набор па-беларуску
12- 1.07.2013, 10:24
- 14,524
![Джэнтльменскі набор па-беларуску](https://i.c97.org/p/20130221_belaz_new_t.jpg)
Па выніках перамоваў Лукашэнкі з прэзідэнтам Лаоса Цюмалі Сайнясонам плануецца падпісанне дакументаў аб супрацоўніцтве дзвюх краін у розных сферах.
Наколькі выгадным яно можа быць?
Эканаміст Леў Марголін мяркуе, што шукаць партнёраў за 10 тысяч кіламетраў - наіўна, піша «Завтра твоей страны».
«У Беларусі няма тавараў, якія маглі б быць рэнтабельныя пасля дастаўкі на такую адлегласць», - адзначае эксперт.
Па яго словах, афіцыйны Менск шукае любыя магчымасці наладзіць супрацоўніцтва па прынцыпе: раптам стрэліць.
«Едуць туды, дзе прымаюць, і запрашаюць тых, хто едзе. Вядома, лепш бы было прыцягваць суседзяў, але яны не хочуць да нас ехаць. Нават Расея не хоча, не кажучы ўжо пра Польшчу», - падкрэслівае эканаміст.
Леў Марголін упэўнены, што беларускія ўлады будуць спрабаваць прадаць Лаосу трактары, шыны, калійныя ўгнаенні.
Паколькі ў Лаосе ёсць горназдабыўная прамысловасць, то, верагодна, асартымент папоўняць яшчэ БЕЛАЗы. Гэта такі джэнтэльменскі набор, які афіцыйны Менск прапаноўвае ўсім», - адзначае Леў Марголін.
Нагадаем, прэзідэнт адной з самых бедных краін свету - Лаоскай Народна-Дэмакратычнай Рэспублікі ўчора прыбыў з афіцыйным візітам у Беларусь. Праграмай афіцыйнага візіту Цюмалі Сайнясона запланаваныя таксама яго сустрэчы з кіраўніцтвам урада і Нацыянальнага сходу Беларусі, наведванне прамысловых і сельскагаспадарчых прадпрыемстваў, гісторыка-культурных аб'ектаў.