Кошты на золата ўпалі на 23%

У красавіку-чэрвені кошты на золата ўпалі больш чым на 23%, што з'яўляецца рэкордным падзеннем з сярэдзіны 1970-х гадоў.

Папярэдні максімальны спад быў зафіксаваны ў студзені-сакавіку 1982 года і складаў 18%, піша finmarket.ru.

Срэбра ў красавіку-чэрвені гэтага года патаннела на 32%.

Панічны выхад інвестараў з каштоўных металаў абумоўлены асцярогамі, што ўмацаванне эканомікі ЗША выкліча рост прыбытковасці аблігацый і курсу амерыканскага даляра і знізіць прывабнасць каштоўных металаў.

Каціроўкі кантрактаў на нафту маркі WTI у 2-м квартале знізіліся прыкладна на 1%, нягледзячы на павышэнне па выніках чэрвеня на 4,7%. Нафта маркі Brent за квартал патаннела больш чым на 6% пры росце кошту на 2% у мінулым месяцы.

Індэкс S&P GSCI Total Return, у разлік якога ўваходзяць 24 віды сыравіны, у чэрвені дадаў 0,2%. У 2-м квартале ён страціў 6,7%, а зніжэнне з пачатку года складае 5,4%. За мінулы месяц медзь патаннела на 7,6%, алюміній - на 7%.

Дзесяцігадовыя дзяржаблігацыі ЗША прадэманстравалі ў красавіку-чэрвені найбольшы прырост даходнасці з 4-га квартала 2010 года - на 64 базісных пункта, да 2,487% гадавых. У тым ліку ў чэрвені адсоткавыя стаўкі павысіліся на 33 базісных пункта.

У той жа час амерыканскія фондавыя індэксы завяршылі квартал у плюсе.

Сярод еўрапейскіх індыкатараў DAX павялічыўся за тры апошнія месяцы на 2,1%, а французскі CAC 40 - усяго на 0,2%. Пры гэтым брытанскі FTSE 100 страціў 3,1%.

Зводны індэкс найбуйнейшых прадпрыемстваў Еўропы Stoxx Europe 600 знізіўся прыкладна на 3%.

Японскі Topix з канца верасня мінулага года ўзляцеў больш чым на 50%, што з'яўляецца самым значным уздымам за 3 квартала з 1972 года.