Кошт жылля ў Менску павялічыцца ўдвая

Галоўны архітэктар Менска Аляксандр Пятроў прагназуе скачок коштаў на жыллё праз тры гады.

Каб забяспечыць жыллём усіх маючых патрэбу менчукоў, у сталіцы неабходна пабудаваць 20 млн кв. м жылля.

А рэальна размясціць у цяперашняй гарадской мяжы пры цяперашняй паверхавасці будаўніцтва можна толькі каля 5 млн «квадратаў». Пра гэта на семінары ў Менгарвыканкаме паведаміў галоўны архітэктар сталіцы Аляксандр Пятроў, піша «Мінск-Навіны».

Зараз завяршаецца засваенне раёнаў, якія ўжо забудоўваюцца: Лебядзінага, Лошыцы, Каменнай Горкі, Дамброўкі. У іх дадасца прыкладна 600 тыс. кв. м жылля. Яшчэ каля 1,7 млн можна ўзвесці на тэрыторыях, дзе патрабуецца знос і рэканструкцыя. Пашыраць межы Менска не атрымліваецца, таму што вакол сталіцы размешчаныя альбо лясы першай катэгорыі, альбо ворныя землі, на якіх будаваць нельга.

- Калі няма магчымасці расці ўшыр, горад будзе расці ўверх, - канстатаваў Аляксандр Пятроў.

Пры гэтым ўшчыльнення забудовы не пазбегнуць. Дэфіцыт плошчаў будзе спараджаць і рост кошту квадратнага метра. Як выказаў здагадку спецыяліст, праз 3-4 гады ён можа павялічыцца ўдвая да сённяшняга кошту «квадрата».

Нагадаем, на дадзены момант, каб пабудаваць кватэру ў крэдыт неабходна зарабляць 23 мільёны ў месяц.