Зарплата мёртвымі цялятамі
46- 24.07.2013, 11:03
- 35,131
Работнікам калгаса «Маладая гвардыя» паўгода выплачвалі зарплату мёртвымі цялятамі.
Незвычайны спосаб заахвочвання за працу выявілі супрацоўнікі Камітэта дзяржкантролю Брэсцкай вобласці падчас пазапланавай праверкі, піша «СБ».
Са студзеня па чэрвень такім чынам былі аформленыя 108 галоў маладняку. Памерлыя жывёлы выпісваліся работнікам па ўказанні кіраўнікоў прадпрыемства - каб схаваць падзеж. Праўда, разлік адбываўся толькі на паперы.
Але гэта яшчэ не ўсё. Вясной гаспадарка вымушана прырэзала 24 каровы. Паўтушы змясцілі для захоўвання не ў халадзільнік, а ў... сховішча для агародніны. Нядаўна эпідэміёлагі далі заключэнне: 4,2 тоны мяса коштам 60,9 мільёна рублёў тэрмінова трэба ўтылізаваць.
У «Маладой гвардыі» нават прымудраліся «карміць» паўшых жывёл: для іх спісаныя кармы і малако на агульную суму каля 10 мільёнаў рублёў.
Дырэктар «Маладой гвардыі» звольнены. 23 супрацоўнікі сельгаспрадпрыемства прыцягнутыя да дысцыплінарнай адказнасці. Гаспадарка аштрафаваная.
У беларускіх прадпрыемстваў няма грошай, каб разлічыцца з рабочымі. Раней з-за адсутнасці грошай з рабочымі разлічваліся кансервамі і тушонкай.