Дзмітрыя Кавалгіна затрымалі на прахадной БелАЗа
18- 24.07.2013, 18:03
- 16,903
У Жодзіне затрыманы намеснік старшыні мtнскай гарадской арганізацыі АГП Зміцер Кавалгін.
Аб гэтым сайту charter97.org паведаміў лідар Аб'яднанай грамадзянскай партыі Анатоль Лябедзька.
Дзмітрый Кавалгін разам з іншымі актывістамі раздавалі каля прахадной БелАЗа асобнікі газеты «Голас розуму» з публікацыямі на тэму карупцыі.
«Газеты разыходзіліся вельмі добра, раздалі ўсе. Рэакцыя людзей была вельмі пазітыўнай, яны радаваліся, што апазіцыя нарэшце выйшла да прахадных заводаў», - паведаміў Анатоль Лябедзька.
Пасля таго, як актывісты скончылі раздачу матэрыялу, з'явілася міліцыя. Яна затрымала Дзмітрыя Кавалгіна, які стаяў бліжэй да прахадной.
У маладога чалавека спачатку праверылі пашпарт, але потым затрымалі.
Зараз Кавалгін знаходзіцца ў Жодзінскім РАУС, яму забараняюць карыстацца мабільным тэлефонам.