Міліцыя канфіскавала 4 тысячы бутэлек кантрафактнай гарэлкі
10- 31.07.2013, 11:59
- 14,591
На трасе Менск-Гродна затрыманая машына з 4 тысячамі бутэлек кантрафактнай гарэлкі.
Пра гэта паведамляе прэс-служба УУС Гродзенскага аблвыканкама.
У Іўеўскім раёне на аўтадарозе М6 затрыманы аўтамабіль пад кіраваннем жыхара Гродна. У прычэпе знойдзена 4 тыс. бутэлек гарэлкі расейскай вытворчасці без акцызных марак. Дакументаў на тавар кіроўца даць не змог.
Ацэначны кошт спіртнога дасягае Br240 млн. Алкагольная прадукцыя канфіскаваная, праводзіцца праверка.