Земфіра: Калі б Міхалка пусцілі ў Беларусь
13- 4.07.2013, 16:51
- 39,839
Вядомая расейская выканаўца спела пра Сяргея Міхалка.
Пра лідара гурта «Ляпіс Трубяцкі» Земфіра нагадала падчас свайго выступлення на фестывалі «Мост», якое адбылося 3 ліпеня на аэрадроме «Баравая» пад Менскам.
Спявачка трохі змяніла словы сваёй вядомай песні «Если бы». Пра гэта напісала ў сваім акаўнце ў сацыяльнай сетцы «Фэйсбук» кіраўнік «Маладых хрысціянскіх дэмакратаў» Марына Хоміч, якая прысутнічала на ўчорашнім канцэрце.
«Если бы Михалка пустили в Беларусь», - праспявала Земфіра.
Сяргей Міхалок не можа прыехаць у Беларусь з-за небяспекі пераследу.
У кастрычніку 2011 года яго выклікалі ў пракуратуру Цэнтральнага раёна Менска. Следчыя паведамілі, што праводзяць праверку па факце выказванняў музыкі ў адрас Лукашэнкі, у якіх ён жорстка крытыкаваў кіраўніка Беларусі.
Гурт «Ляпіс Трубяцкі» вымушаны выступаць за межамі нашай краіны. Пры гэтым шматлікія яго канцэрты збіраюць тысячы прыхільнікаў з Беларусі.