Масквіч кіламетр вёз інспектара на капоце (Відэа)
34- 1.08.2013, 11:42
- 29,827
У Маскве злавілі кіроўцу, які ледзь не забіў аўтаінспектара. Каля кіламетра мужчына правёз вартавога парадку на капоце, а потым скінуў на дарогу.
Пацярпелы афіцэр цяпер у лякарні, але ў следчых ёсць магчымасць даведацца, як усё адбылося і без яго паказанняў. Парушальнік не здагадаўся нават выключыць рэгістратар і, па сутнасці, зняў уласнае злачынства, перадае НТВ.
Інспектары сталічнага ДПС спынілі кіроўцу для праверкі дакументаў. Здавалася б, звычайная працэдура, але ў гаспадара іншамаркі гэта выклікала неадэкватную рэакцыю. Ён выруліў налева і паехаў. Інспектар апынуўся на капоце.
Трымаючыся за капот, патрульны патрабаваў, каб кіроўца скінуў хуткасць і прыціснуўся да абочыны. Але замест гэтага шафёр рэзка сышоў налева. У нейкі момант парушальнік звярнуў у двары, заглушыў рухавік і ўцёк - мабыць, спадзеючыся, што ўсё абыдзецца.
Але адшукаць яго паліцыянтам не склала адмысловай працы. Машына была аформленая на жонку Сяргея Сілуянава. У кабінеце следчага - рабочы будаўнічай фірмы прызнаўся: калі ўбачыў на дарозе інспектара, спалохаўся.
Ці так гэта было на самай справе, цяпер высвятляюць следчыя. Зрэшты, Сяргею ў любым выпадку прыйдзецца адказаць перад законам. Пацярпелы інспектар цяпер у лякарні. У лейтэнанта Селязнёва лекары дыягнаставалі пашкоджанне звязак і множныя ўдары.
Супраць 30-гадовага Сяргея Сілуянава ўжо распачалі крымінальную справу па артыкуле «Ужыванне гвалту ў дачыненні да прадстаўніка ўлады». У бліжэйшы час суд павінен абраць яму меру стрымання.