У Францыі разбіўся турыстычны аўтобус

На поўдні Францыі ў ноч на 11 жніўня разбіўся турыстычны аўтобус, загінулі два чалавекі.

Як паведамляе Le Monde, у выніку аварыі шпіталізаваныя 30 чалавек, стан траіх ацэньваецца як крытычны.

Аўтобус кампаніі Eurolines ехаў з Марсэля ў іспанскую Мурсію. Уначы ён вылецеў з трасы А9 у дэпартаменце Од і зваліўся ў абрыў глыбінёй у некалькі метраў. Прычыны аварыі пакуль не ўстаноўленыя. Паліцыя не выключае, што ў ДТЗ вінаваты кіроўца, піша Lenta.ru.

Пакуль паведамленні французскай прэсы аб наяўнасці расейцаў сярод пацярпелых праверыць не ўдалося.

У сваю чаргу ІТАР-ТАСС у прэфектуры дэпартамента Од паведамілі, што сярод загінулых расейцаў дакладна няма. Пакуль толькі адзін чалавек заявіў, што ён з Расеі. Ён атрымаў лёгкія траўмы, пагрозы яго жыццю няма. Пры гэтым грамадзянства некаторых пацярпелых устанавіць пакуль не ўдалося.

На месцы здарэння працавалі больш сотні ратавальнікаў, для эвакуацыі пацярпелых задзейнічалі чатыры верталёта. Усяго ў аўтобусе ехалі 44 чалавекі, большасць з іх былі французамі і іспанцамі.