Ryanair увядзе плату за ручную паклажу

Кампанія абяцае павышаць кошт правозу багажу, пакуль пасажыры не стануць падарожнічаць без яго.

Пра гэта заявіў кіраўнік Ryanair Майкл О'Ліры, піша Postimees. Ён паведаміў, што авіякампанія павялічыла на лета плату за багаж на 20 еўра.

«Таму, што ў людзей больш багажу. Мы не хочам багаж. Мы ўвесь час будзем павышаць кошты, пакуль не пазбавімся ад багажу», - сказаў О'Ліры

Ён адзначыў, што з таго часу, як Ryanair стаў спаганяць плату за багаж, колькасць пасажыраў з багажом знізілася з 80 адсоткаў да 19.

«Мы ніколі не зможам цалкам пазбавіцца ад багажу, але я буду расчараваны, калі нам не ўдасца знізіць гэты лік да 10 адсоткаў», - растлумачыў ён, дадаўшы, што нават «місіс О'Ліры бярэ цяпер ў паездку менш пар туфляў».

Паводле яго слоў, у бліжэйшы час Ryanair не пачне браць плату за ручную паклажу, але ў доўгатэрміновай перспектыве гэта непазбежна.

«Я лічу, што ў будучыні авіякампаніі пачнуць браць плату за ручную паклажу, але я пакуль не ўяўляю, як гэта будзе адбывацца. Малаверагодна, што мы гэта зробім. Па крайняй меры не раней, чым стане ясна, што ад гэтага можна выйграць», - сказаў О'Ліры.

О'Ліры адзначыў, што авіякампаніі разглядаюць плату за ручную паклажу як простую крыніцу даходу, але спагнанне з пасажыраў платы на варотах заняло б занадта шмат часу, з-за чаго самалёты выбіліся б з графіка.