Напад на амапаўцаў у Магілёве

30 ліпеня ў Магілёве чалавек з нажом напаў на трох спецназаўцаў.

Усе пацярпелыя - супрацоўнікі АМАПу УУС Магілёўскага аблвыканкама. Пра гэта charter97.org распавяла крыніца.

«30 ліпеня ў Магілёве пацярпелі адразу тры амапаўца. Чалавек ўдарыў нажом: аднаго ў пах, другога ў шыю, а трэцяга ў вобласць жывата. Яны былі на адпачынку, дзе і адбыўся канфлікт. Пра гэту падзею маўчаць усе, аднак пайшлі чуткі. На фоне маскоўскіх падзей гэта выглядае як працяг ці як следства некампетэнтнасці сучасных «вартавых» парадку і справядлівасці, калі яны дазволілі аднаму чалавеку сябе перамагчы», - распавяла крыніца.

Рэдакцыі сайта charter97.org дадзеную інфармацыю ў прэс-службе УУС Магілёўскага аблвыканкама каментаваць адмовіліся.

«Пішыце афіцыйны запыт - мы разбярэмся. Я па тэлефоне камэнтароў даваць не буду, таму што я вас не ведаю, і ў мяне няма такіх паўнамоцтваў», - паведаміў прэс-сакратар.

Камандзір Магілёўскага АМАПу Мікалай Гарэлікаў заявіў карэспандэнту charter97.org, што «пакуль інфармацыя не пацверджаная. Па дадзеным факце праводзіцца праверка тэрытарыяльным органам, і які-небудзь дадатковай інфармацыі няма».