Інтэрнэт упершыню стаў папулярней тэлевізара

Чалавек усё больш часу праводзіць у Сетцы, выкарыстоўваючы для выхаду ў яе літаральна ўсё - ад смартфонаў да халадзільнікаў.

Інтэрнэт упершыню ў гісторыі абагнаў тэлебачанне па папулярнасці ў галіне атрымання рознай інфармацыі. Пра гэта кажуць дадзеныя новага даследавання спецыялістаў з ЗША. Пасля таго як яны апыталі вялікую колькасць дарослых амерыканцаў, высвятлілася: за гаджэтамі рэспандэнты сядзяць больш пяці гадзін штодня, а тэлеэкран прыкоўвае іх увагу толькі на 4,5 гадзіны.

Самымі папулярнымі гаджэтамі для серфінгу ў інтэрнэце з'яўляюцца смартфоны і планшэтныя кампутары - толькі за апошні год колькасць іх уладальнікаў вырасла ў паўтара раза. На другім радку віртуальнага рэйтынгу апынуліся ноўтбукі і звычайныя персанальныя кампутары, піша The Huffington Post.

Калі браць у адсоткавых суадносінах, то агульная папулярнасць гаджэтаў вырасла за 2012 г. крыху больш чым на 15%, у той час як тэлевізары надакучылі амаль 3% апытаных амерыканцаў. Верагодна, немалаважную ролю адыграла тое, што «звычайныя» прылады - халадзільнікі або дзіцячыя цацкі - становяцца мульцізадачнымі, а наяўнасць у іх доступу да інтэрнэту перастала быць зусім ужо дзівоцтвам, адзначае utro.ru.

У дакладзе аналітыкаў таксама паказаная колькасць часу, які сярэднестатыстычны амерыканец праводзіць, слухаючы радыё і чытаючы газеты, - 1,5 гадзіны і 30 хвілін адпаведна. Усяго ж на часопісы, ТБ, інтэрнэт і іншае сыходзіць прыкладна 12 гадзін у суткі.