Еўрапейскія краіны закрываюць амбасады на Блізкім Усходзе
1- 6.08.2013, 9:00
- 5,573
Нарвегія закрыла да канца гэтага тыдня 15 дыппрадстаўніцтваў у краінах Блізкага Усходу і Паўночнай Афрыкі.
Пра ўступленне ў сілу адпаведнага рашэння заявіў прадстаўнік МЗС краіны.
Па словах супрацоўнікаў міністэрства, сярод іншых закрываюцца амбасады каралеўства ў Алжыры, Егіпце, Кеніі, Марока і Саудаўскай Аравіі, перадае ІТАР-ТАСС.
«Уведзеныя ўзмоцненыя меры засцярогі на тэрыторыі амбасады Нарвегіі ў Саудаўскай Аравіі, а таксама ў іншых краінах рэгіёну, - адзначыў прадстаўнік ведамства Фрудэ Андэрсан. - У бліжэйшыя дні прыём наведвальнікаў ажыццяўляцца не будзе, аднак апрацоўка электроннай карэспандэнцыі і тэлефонных званкоў будзе ісці ў звычайным рэжыме».
За Велікабрытаніяй, Канадай і Францыяй Нарвегія рушыла ўслед ЗША, якія абвясцілі ў нядзелю, 4 жніўня, аб часовым закрыцці сваіх амбасадаў у афрыканскіх краінах і на Блізкім Усходзе з-за патэнцыйнай тэрарыстычнай пагрозы.
Нарвежская служба ваеннай выведкі, у сваю чаргу, таксама распаўсюдзіла папярэджанне аб магчымасці тэрактаў, накіраваных супраць прадстаўнікоў урада краіны.
У МЗС каралеўства не паведамляюць дадатковай інфармацыі аб прыродзе пагрозы, адзначаючы толькі, што ўлады кіруюцца той жа інфармацыяй, якая вымусіла пайсці на адпаведны крок ЗША.