НЗ на ўборачнай: прэс-падборшчык загарэўся прама ў полі

Прэс-падборшчык «Тарнада РППА 445.2» СВК «Солы» 5 жніўня загарэўся ў полі каля вёскі Солы Смаргонскага раёна.

Прэс-падборшчык збіраў салому, калі адбылося надзвычайнае здарэнне. Трактарыст выклікаў пажарных, паведамляе МНС.

Да іх прыбыцця работнікі СВК спрабавалі справіцца з агнём самастойна, выкарыстоўваючы вогнетушыцелі, ваду з «дзяжурнай» бочкі, якая знаходзілася нападалёк, і пасыпаючы зямлёй з пагрузчыка. Патушыць пажар ім не ўдалося, але на падмогу прыбылі супрацоўнікі МНС.

У выніку пажару пашкоджаны корпус прэс-падборшчыка. Пацярпелых няма. Як мяркуецца, прычына пажару - кароткае замыканне электраправодкі.