Менскі забудоўшчык: Не падабаецца ўшчыльненне - едзьце ў вёску

Калі вы жывяце ў сталіцы, то цясніцеся і не жальцеся, лічыць адзін з менскіх забудоўшчыкаў.

Тры новыя шматпавярхоўкі плануецца пабудаваць на тэрыторыі 3-й гарадской дзіцячай клінічнай бальніцы, на месцы яблыневага саду.

Адна з высотак ужо ўзводзіцца каля дадзенай тэрыторыі. 5 жніўня ў будынку адміністрацыі Кастрычніцкага раёна адбылася прэзентацыя праекта «Месца размяшчэння зямельнага ўчастка для будаўніцтва шматкватэрных жылых дамоў па вуліцы Кіжаватава». Азнаёміцца з матэрыяламі праекта, а таксама пакінуць свае пісьмовыя заўвагі і прапановы можна да 26 жніўня, піша realt.by.

Сёння гэтая тэрыторыя выглядае так:

У будучыні, акрамя новабудоўляў, праект прадугледжвае таксама будаўніцтва падземнай паркоўкі на 100 машынамесцаў. Па словах прадстаўнікоў адміністрацыі, колькасць парковачных месцаў можа павялічыцца ў залежнасці ад попыту. А вось са школамі і дзіцячымі садкамі праблем быць не павінна. Алена Сухадолава, галоўны архітэктар адміністрацыі раёна, адзначыла: пасля правядзення спецыяльнага аналізу было выяўлена, што навучальныя ўстановы яшчэ здольныя змясціць новых вучняў. Будаўніцтва новых дамоў укладваецца ў разліковыя нормы раёна Курасоўшчына-3. Гэтая інфармацыя выклікала смех у зале. На прэзентацыю прыйшлі каля 10 чалавек, палова з якіх - прадстаўнікі СМІ.

Яўген Міжэўскі, прадстаўнік замоўшчыка, а таксама намеснік начальніка аддзела перспектыўнага праектавання УП «УКБ Менгарвыканкама», адзначыў, што ў гэтых дамах нікому кватэры бясплатна раздавацца не будуць. Людзі будуць будаваць іх за свае грошы. Хоць пакуль пра кошт жылля казаць рана. Складана сказаць, як будуць выглядаць новабудоўлі потым. Праекта пакуль яшчэ няма. Але будаўніцтва плануецца скончыць на працягу 3 гадоў

«Разглядалася некалькі варыянтаў, але, варта разумець, што вольных пляцовак у горадзе няма. У кожным раёне жыхары сутыкаюцца з пытаннем ушчыльнення. А што рабіць? Чарга на жыллё ў сталіцы 240 000 чалавек. Вы некалі атрымалі магчымасць пабудавацца, дайце і іншым гэты шанец. У дадзеным выпадку мы вымушаныя выкарыстоўваць частковую кропкавую забудову. Так як вялікіх тэрыторый для паўнавартасных мікрараёнаў не засталося. Кропкавая забудова, вядома, не ўсюды апраўданая, але ва ўмове недахопу гарадской тэрыторыі ў нас няма іншага выбару. Сад будзе знішчаны, але ў гэтым няма нічога страшнага, гэта спецыфіка горада. Эканамічна гэты варыянт значна больш пераважны, чым знос сядзібнага сектара. Зразумейце, праблемы ў будаўніцтве ёсць, усюды праходзіць ушчыльненне раёнаў. Вы жывяце ў сталіцы, цясніцеся або, калі не падабаецца, пераязджайце ў вёскі! - заявіў прадстаўнік замоўшчыка.

Варта адзначыць таксама, што ідзе паэтапнае засваенне ўсяго раёна. На вуліцах Брэсцкая, Жукоўская, Авакяна плануецца знос усяго прыватнага сектара. На вуліцы Брэсцкай пакуль толькі часткова, з улікам завулкаў. Больш дэталёвая забудова гэтай вуліцы пачнецца пасля будаўніцтва 3-яга кольца. Сад на вуліцы Кіжаватава быў зрэзаны ў 2006 годзе. У бягучым годзе пачнецца будаўніцтва гіпермаркета. Замоўшчыкам праекта выступіла «Карона». Раней на гэтым месцы меркавалася будаўніцтва выставачнага комплексу «Белэкспа», аднак улады палічылі праект занадта дарагім. Да 19 жніўня праходзіць грамадскае абмеркаванне горадабудаўнічага праекта дэталёвага планавання тэрыторыі ў межах вуліц Кіжаватава - Брэсцкая - мяжа зоны 159 ЛР - чыгунка Менск-Брэст (прамзона 150 П4-ка). Азнаёміцца з матэрыяламі экспазіцыі можна ў фае УП «ЖРЭА Кастрычніцкага раёна г. Менска» па адрасе: вуліца Магілёўская, 2, корп.2, 1-ы паверх.

На прэзентацыі меркаваўся таксама выступ аўтара праекта, які распрацоўваў дадзеныя будаўнічыя абгрунтаванні, але жанчына з пачуццём выкананага доўгу з'ехала ў адпачынак. Таму мерапрыемства прайшло без яе ўдзелу. Здавалася, гэтым незадаволеныя не толькі менчукі, якія прыйшлі на абмеркаванне, але і прадстаўнікі адміністрацыі. Яны паабяцалі, што па прыездзе аўтара сустрэчы з жыхарамі працягнуцца. Намесніка кіраўніка адміністрацыі таксама не было, хутчэй за ўсё, па словах калегаў, ён быў на іншай нарадзе.

Экспазіцыя выстаўленая ў холе будынка ЖЭУ № 63 УП «ЖРЭА Кастрычніцкага раёна г. Менска» па адрасе: г. Менск, вуліца Кіжаватава, 66, 1-шы паверх. З 06.08.2013 па 26.08.2013, з 8.45 да 18.00, у пятніцу з 8.45 да 16.45. Заўвагі і прапановы можна прадастаўляць па адрасе: вул. Чкалава, 6, каб. 312, 313, 315, 317, Тэлефон: 224 47 12, 220 39 31.