Унікальныя здымкі марсахода Curiosity
75- 6.08.2013, 15:19
- 36,206
Роўна год таму, 6 жніўня 2012 года, марсаход НАСА Curiosity здзейсніў пасадку ў раёне марсіянскага кратэра Гейл.
За год апарат паспеў даследаваць склад марсіянскай атмасферы і выявіць у грунце Чырвонай планеты мінералы, якія паказваюць на спрыяльныя ўмовы для жыцця, піша Inosmi.ru.
Дадзеныя з марсахода Curiosity дапамаглі навукоўцам удакладніць хімічны і ізатопны склад марсіянскай атмасферы. Яны выказалі здагадку, што вялікая частка паветра планеты знікла ў космасе прыкладна 4 мільярды гадоў таму.
У пачатку лютага марсаход упершыню апрабаваў свой свідравы інструмент, здольны прасвідраваць каменную пароду на глыбіню каля 7 сантыметраў. Вывучэнне ўзораў «каменнага пылу» дазволіла навукоўцам упершыню даказаць, што ўмовы на старажытным Марсе былі спрыяльныя для існавання мікраарганізмаў.
Дзве групы астраномаў з Цэнтра касмічных палётаў НАСА імя Годарда ўдакладнілі старыя звесткі аб складзе марсіянскай атмасферы і адкрылі раней невядомыя яе асаблівасці, прааналізаваўшы дадзеныя, атрыманыя Curiosity.
Навукоўцы мяркуюць, што сабраныя імі дадзеныя дапамогуць зразумець, як эвалюцыянаваў Марс у мінулым, і ці магло на ім існаваць жыццё.
Апарат выявіў «аазісы» ў марсіянскім кратары Гейла - «плямы» з вялікім утрыманнем вады, якія могуць быць участкамі аголенага дна старажытнага ручая.
Прапануем вашай увазе некаторыя здымкі, зробленыя марсаходам.