Амбасада Польшчы абвяшчае конкурс
3- 6.08.2013, 16:52
- 14,551
Конкурс прысвечаны ініцыятыве «Усходняе партнёрства» і пройдзе з 5 жніўня па 11 лістапада.
Яго арганізатарам выступіла амбасада Польшчы ў Беларусі. Конкурс разлічаны на беларускіх журналістаў друкаваных выданняў, радыё, тэлебачання і інтэрнэт-СМІ. Арганізатары прапануюць высылаць свае артыкулы, радыё-і відэаматэрыялы на тэму «Усходняе партнёрства» і Беларусь».
Ён будзе праводзіцца ў два этапы:
З 5 жніўня 2013 года па 31 кастрычніка 2013 года - прыём заявак на ўдзел у конкурсе з артыкуламі, радыё-або відэаматэрыяламі. Іх можна высылаць электроннай або звычайнай поштай на адрас амбасады. У другім выпадку дата вызначаецца па паштовым штэмпелі.
З 1 па 10 лістапада 2013 года - вызначэнне вынікаў конкурснай камісіяй.
Абвяшчэнне вынікаў конкурсу і цэрымонія ўручэння ўзнагарод лаўрэатам павінна прайсці 11 лістапада.