Ушчыльненне па-кіеўску: гараджане разграмілі будоўлю і ўчынілі «паляванне» на рабочых (Фота)

Супрацьстаянне забудоўшчыка і жыхароў раёна Траешчына ў Кіеве пачалося яшчэ ў мінулым годзе.

Гараджане катэгарычна супраць будаўніцтва гандлёва-офіснага цэнтра. Справа дайшла да суда, але забудоўшчык не стаў чакаць яго рашэння, абгарадзіў будпляцоўку глухім плотам і выставіў ахову. Становішча абвастрылася да мяжы і вылілася ў масавую бойку паміж мясцовымі жыхарамі і будаўнікамі з ахоўнікамі, піша onliner.by.

Абураныя праціўнікі будаўніцтва пачалі ламаць плот будоўлі ўчора пасля доўгай слоўнай сваркі з будаўнікамі. Ахова ў адказ пачала закідваць незадаволеных зямлёй, а неўзабаве ўжыла вогнетушыцелі, слёзацечны газ і вадкасць, якая нагадвае мазут. Але грамадзян, якія прагнулі расправы, станавілася ўсё больш, і плот у выніку быў разбураны. «Штурм» працягнуўся, і актывісты ўчынілі бойку з будаўнікамі, зламалі будаўнічы вагончык, выбілі вокны ў трактары, які знаходзіўся на тэрыторыі будоўлі. Пасля незадаволеныя будоўляй заблакавалі сумежную вуліцу Маякоўскага - яны хадзілі па пешаходным пераходзе, не прапускаючы машыны.

У дачыненні да асобаў, якія парушалі грамадскі парадак, было складзена 4 адміністрацыйныя пратаколы за дробнае хуліганства і адзін за злоснае непадпарадкаванне міліцыянту. Паводле папярэдняй інфармацыі, у выніку канфлікту па дапамогу ў медыцынскую ўстанову звярнулася два чалавекі.

Увага, у відэа прысутнічае ненарматыўная лексіка!