Зборная Беларусі паднялася на пяць радкоў у рэйтынгу ФІФА

Міжнародная федэрацыя футбола (ФІФА) апублікавала чарговы рэйтынг нацыянальных зборных.

Зборная Беларусі ў параўнанні з ліпеньскім рэйтынгам паднялася на 5 радкоў і займае цяпер 73-е месца, маючы 482 ачкі. За мінулы месяц падапечныя Георгія Кандрацьева матчаў не праводзілі, перадае БелТА.

Супернікі беларусаў па кваліфікацыйнай групе I сусветнага першынства займаюць наступныя пазіцыі: 1 - Іспанія (1484 балы), 23 - Францыя (838), 65 - Фінляндыя (537), 97 - Грузія (369).

Свой наступны таварыскі матч супраць зборнай Чарнагорыі беларусы правядуць 14 жніўня ў Жодзіна. Чарнагорцы зараз займаюць 28 месца ў рэйтынгу ФІФА (774). 6 верасня таксама на жодзінскім стадыёне «Тарпеда» адбудзецца спарынг з камандай Кыргызстана, якая знаходзіцца на 135-й пазіцыі ў сусветным рэйтынгу (228). У гэтым годзе беларускія футбалісты згуляюць яшчэ два кваліфікацыйных паядынкі ЧС-2014 - 10 верасня дома з камандай Францыі і 11 кастрычніка ў гасцях у дзеючых чэмпіёнаў свету і Еўропы іспанцаў. На 15 кастрычніка намечаны таварыскі паядынак з нацыянальнай зборнай Японіі (37-е месца ў рэйтынгу ФІФА, 695 балаў), які пройдзе ў Беларусі.

Першая дзесятка жнівеньскага рэйтынг-ліста выглядае так:

1. Іспанія (1484)

2. Германія (1257)

3. Калумбія (1219)

4. Аргенціна (1210)

5. Нідэрланды (1165)

6. Італія (1142)

7. Партугалія (1099)

8. Харватыя (1098)

9. Бразілія (1089)

10. Бельгія (1079).

Наступны рэйтынг-ліст нацыянальных зборных ФІФА апублікуе 12 верасня.