Асад выкарыстаў для хімічнай атакі савецкія сыстэмы «Град»

Французскія спецслужбы распавялі пра тое, як сірыйскі дыктатар паспрабаваў падмануць інспектараў ААН.

Даклад аб сірыйскай праграме вытворчасці хімічнай зброі, што заснаваны паводле дадзеных разведкі, якія назбіраліся за дваццаць пяць з лішнім гадоў, быў пададзены сёння. Газета Le Journal du Dimanche, у распараджэнні якой апынулася копія дакладу, піша, што яго мяркуюць рассакрэціць ў бліжэйшы час, каб прадэманстраваць французам і сусветнай супольнасці неабходнасць ваеннай аперацыі ў Сірыі, паведамляе Lenta.ru.

Ведамствы, якія падрыхтавалі даклад - Генеральны дырэктарат замежнай бяспекі (DGSE) і Упраўленне ваеннай выведкі (DRM) - пагадзіліся з амерыканскімі калегамі ў тым, што хімічная атака ў прыгарадзе Дамаска 21 жніўня 2013 г. была зроблена ўрадавымі сіламі. Акрамя таго, на думку французскіх спецслужбаў, гэты інцыдэнт прадэманстраваў, што сірыйскія ўлады вырашылі актыўна выкарыстоўваць хімічную зброю для запалохвання насельніцтва.

Паводле змешчаных у дакладзе дадзеных, для ажыццяўлення атакі 21 жніўня сірыйскія войскі выкарыстоўвалі савецкія сістэмы залпавага агню «Град», а пасля пастараліся знішчыць доказы сваёй віны пры дапамозе артылерыйскіх абстрэлаў.

Паводле звестак французскіх спецслужбаў, хімічны арсенал Дамаска ўключае тысячы тон гатовых рэактываў і прэкурсораў і з'яўляецца адным з найбуйнейшых у свеце, прычым знішчаць хімічную зброю ўрад Башара Асада не плануе. У дакладзе гаворыцца, што вялікую дапамогу ў станаўленні сірыйскай вытворчасці хімічнай зброі першапачаткова аказвала Расея, аднак неўзабаве гэта вытворчасць стала абапірацца выключна на ўнутраныя рэсурсы. У цяперашні час, як заявілі спецслужбы, аб'екты вытворчасці хімічнай зброі раскіданыя па ўсёй тэрыторыі Сірыі.

Падчас грамадзянскай вайны ў Сірыі, якая пачалася ў 2011 годзе, улады заходніх дзяржаў неаднаразова заяўлялі пра магчымасць замежнага ваеннага ўмяшання ў выпадку, калі Дамаск прыменіць хімічную зброю. Пасля атакі 21 жніўня, ахвярамі якой сталі блізу паўтары тысячы чалавек, аб намеры прымяніць ваенную сілу супраць рэжыму Асада заявілі ЗША, у цяперашні час пытанне аб гэтым знаходзіцца на разглядзе Кангрэсу. Між тым афіцыйны Дамаск ускладае віну за тое, што здарылася на паўстанцаў, а высновы інспектараў ААН, якія абследавалі месца атакі, пакуль не апублікаваныя.

Фота: Yuri Pasholok