Іспанец забыўся на касе латарэйны квіток на €4,7 мільёна

У іспанскай Ла-Карун'і знайшоўся выйгрышны латарэйны квіток, які яго пакупнік забыўся на касе адразу пасля куплі.

Па гэтым купоне можна атрымаць 4,7 мільёна еўра, аднак законны ўладальнік гэтай сумы пакуль не знойдзены. Як паведамляе Associated Press, у аўторак, 17 верасня, мэр горада Карлас Негрэйра заявіў, што вядзецца пошук пераможцы, піша Lenta.ru.

У сваёй заяве Карлас Негрэйра адзначыў, што ён стане першым мэрам, якія шукае мільянера «не для таго, каб папрасіць у яго грошай, а для таго, каб іх аддаць».

Усім прэтэндэнтам на выйгрыш, якія заявяць на яго свае правы, трэба будзе прайсці працэдуру допыту. У яе ходзе плануецца ўстанавіць асобу ўладальніка прыза. Па якой тэхналогіі будзе праведзеная ідэнтыфікацыя мільянера, не паведамляецца. Калі ж купон так і не знойдзе свайго гаспадара, то выйгрыш пяройдзе да чалавека, які яго знайшоў.

Па дадзеных агенцтва, квіток датаваны 30 чэрвеня 2012 года. Пры якіх абставінах ён быў знойдзены, не ўдакладняецца. Вядома толькі, што цяпер купон знаходзіцца ў бюро знаходак сярод многіх іншых страчаных рэчаў.

У ліпені 2013 год суд абавязаў урад Італіі выплаціць пераможцу дзяржаўнай латарэі выйгрыш па парваным латарэйным квітку. Сям'я італьянца, які выйграў у латарэю, атрымае 100 тысяч еўра, так як сам пераможца памёр, не дачакаўшыся вэрдыкту.

Фота: John Kolesidis / Reuters