У Стоўбцах рабочы зваліўся ў вагон з цэментам

Дапамагчы мужчыне змаглі толькі супрацоўнікі МНС.

2 верасня ў 12-49 у МНС паступіла паведамленне аб неабходнасці выратавання чалавека з вагона з цэментам на чыгуначнай станцыі «Стоўбцы». Па прыбыцці да месца выкліку было ўстаноўлена, што на разгруза-пагрузнай рампе адбывалася разгрузка цэменту з чыгуначнага вагона ў аўтацэментавоз (ЗІЛ), паведамляе прэс-служба МНС.

Рабочы, знаходзячыся на даху вагона, падчас накіравання помпавага шланга ўнутр вагона спатыкнуўся і ўпаў, у выніку чаго апынуўся заціснутым па пояс сухой сумессю цэменту.

Супрацоўнікамі МНС пры дапамозе выратавальнай вяроўкі мужчына быў выняты на дах вагона. Пасля агляду брыгадай хуткай медыцынскай дапамогі ён ад шпіталізацыі адмовіўся.