Скаргу адвакатаў Баўмгертнера разгледзяць у закрытым рэжыме
7- 3.09.2013, 17:59
- 14,662
Скарга адвакатаў гендырэктара «Уралкалію» будзе разгледжаная на закрытым судовым пасяджэнні.
Пра гэта паведамілі ў аўторак у судзе Партызанскага раёна Менска, піша «Інтэрфакс».
«У адпаведнасці з Крымінальна-працэсуальным кодэксам Беларусі такая скарга будзе разгледжаная ў закрытым парадку, у прысутнасці адвакатаў», - паведамілі ў судзе.
Там нагадалі, што яна паступіла сёння ў другой палове дня і павінна быць разгледжаная на працягу трох сутак.
Раней у судзе казалі, што скаргі адвакатаў расейскага алігарха не паступала.
Нагадаем, 26 жніўня беларускія праваахоўныя органы затрымалі генеральнага дырэктара «Уралкалію» Уладзіслава Баўмгертнера, які знаходзіўся ў Менску па запрашэнні прэм'ер-міністра краіны Міхаіла Мясніковіча. Расейскаму алігарху прад'яўленае абвінавачванне па ч. 3 арт. 424 («Злоўжыванне ўладай і службовымі паўнамоцтвамі»).
Таксама ў міжнародны вышук абвешчаныя топ-мэнэджэры Беларускай калійнай кампаніі.
Фота: РІА «Новости»