Французскі афіцыянт хацеў уладкавацца ў Беларусі на працу, а трапіў за краты (Відэа)
67- 3.09.2013, 19:42
- 43,245
Маладзёна затрымалі берасцейскія памежнікі.
Як сцвярджаў грамадзянін Францыі, ён не ведаў, што Беларусь не ўваходзіць у Еўразвяз і для праходжання мяжы патрэбная віза.
20-гадовы хлапец проста пайшоў паўз пункт пропуску. Да беларуска-польскай мяжы ураджэнец вінаграднай правінцыі Шампань дабіраўся аўтастопам, з грошай у яго было ўсяго 1,5 даляры, адна чэшская крона і 30 злотых, перадае тэлеканал ОНТ.
Са словах затрыманага, прыехаць на заробкі ў Берасце яму параіў знаёмы. Імя парушальніка пакуль не называецца. Цяпер не няўдаламу гастарбайтэру пагражае дэпартацыя і штраф да Br50 млн.
Зрэшты, у тым, што француз сапраўды збіраўся ўладкавацца на працу, памежнікі пераканаліся пры вобшуку: з сабой у хлопца быў нават фартух афіцыянта і кашуля з гальштукам.