Беларусь выплаціла $84 мільёна па крэдыце МВФ

Плацеж быў ажыццёўлены 30 верасня.

Пра гэта гаворыцца ў афіцыйным паведамленні Міністэрства фінансаў Беларусі.

«30 верасня 2013 года Рэспубліка Беларусь у мэтах выканання сваіх абавязацельстваў па крэдыце «стэнд-бай» МВФ ажыццявіла чарговае пагашэнне асноўнай пазыкі ў памеры 54,7 мільёнаў СДР (эквівалентна 83,9 мільёнам даляраў ЗША)», - гаворыцца ў паведамленні.

Папярэдні плацёж зроблены дзесяць дзён таму, 20 верасня. Тады была выплачаная такая ж сума.

Найбольшыя выплаты ў 2013 годзе прыпадаюць на красавік, чэрвень і кастрычнік, калі Беларусь павінна выплаціць па 270 мільёнаў даляраў. Усяго ў гэтым годзе Беларусь павінна вярнуць МВФ 1,63 мільярда даляраў.

Пяць траншаў крэдыту ад Міжнароднага валютнага фонду ў рамках праграмы стэнд-бай на 3,46 млрд. даляраў Беларусь атрымала ў 2009-10 гадах. Асноўны пік выплаты пазыкі прыпадае на 2013-14 гады.