Менчук уладкаваўся на працу і не можа звольніцца

Жыхар Менска ўладкаваўся на працу грузчыкам, а цяпер ніяк не можа звольніцца.

Віталь Руцько сцвярджае, што начальнік абыходзіцца з ім неналежным чынам. Мужчына загадзя дамовіўся, што прапрацуе толькі паўгода, але час прайшоў, а ён усё ніяк не можа звольніцца, паведамляе СТВ.

«17 красавіка я ўбачыў аб'яву бягучым радком, што патрабуецца грузчык у арганізацыю ТАА «Эрніс». Я наважыў патэлефанаваць, яны прызначылі гутарку», - распавядае менчук.

Выпрабаванне было пройдзена, і неўзабаве маладзёну прапанавалі ўкласці кантракт на год. Аднак Віталь Руцько разглядаў будучую працу ў якасці часовай. А таму і пацікавіўся, ці зможа папрацаваць блізу пяці месяцаў, а затым звольніцца.

«Яны сказалі, што без праблем, за месяц толькі папярэдзьце. Надышоў час звальняцца, я напісаў заяву, месяц прайшоў, на што мне адказалі, пакуль не знойдуць супрацоўніка, я не змагу звольніцца», - кажа мужчына.

Менчук здзівіўся: куды ж падзелася лёгкасць абяцанняў? А потым наважыў пайсці іншым шляхам. Пісьмова азнаёміў працадаўцу з хібамі, якія меліся ў кампаніі: «Мне не выдалі спецадзенне, я быў у сваіх рэчах, абедзеннага перапынку таксама не было, дзе давядзецца абедаў, месца для пераапранання мне, натуральна, не далі - пераапранаўся на вуліцы. Са мной не быў праведзены ніводзін інструктаж. Тэхніка бяспекі, што я павінен, чаго я не павінен, ні за што не распісваўся. Ні разу мне нічога не падавалі».

Аднак агучаныя прэтэнзіі трэба давесці. Бо сцвярджаць можна ўсё што хочаш. Кіраўніцтва арганізацыі мяркуе, што маладзён папросту ганіць кампанію, каб сысці на новую працу.

«Калі працаўнік хоча, каб парушэнні заканадаўства аб працы былі нейкім чынам зафіксаваныя, то яму ў першую чаргу трэба звярнуцца альбо ў прафсаюз, калі ён ёсць у яго арганізацыі, альбо ў Дэпартамент дзяржаўнай інспекцыі працы», - каментуе сітуацыю Ірына Пранько, адвакат юрыдычнай кансультацыі Маскоўскага раёна горада Менска.

Калі парушэнні будуць выяўленыя, то работніку належыць кампенсацыя ў суме не меншай за двухтыднёвы заробак. Мы звязаліся з намеснікам дырэктара персаналу. Нас запэўнілі, што пошукі іншага супрацоўніка вядуцца. Робіцца ўсё магчымае, каб паскорыць гэты працэс.

«Што да нашай з вамі сітуацыі, у нас мае месца быць кантракт. Скасаваць яго складаней, чым звычайную бестэрміновую працоўную дамову. У гэтым выпадку работнік можа, калі ў яго ёсць нейкія важкія прычыны для скасавання дамовы, звярнуцца з пісьмовай заявай да наймальніка», - кажа Ірына Пранько.

За такія важныя прычыны ўважаюцца: сур'ёзная хвароба работніка, атрыманая інваліднасць, пераезд у іншую краіну.

«Калі такіх падстаў няма, то трэба альбо чакаць заканчэння тэрміну дзеяння кантракту, альбо спрабаваць дамовіцца з наймальнікам і добраахвотна скасаваць кантракт са згоды старон. Гэта, натуральна, самы аптымальны варыянт», - патлумачыла экспэрт.

Фота: ctv.by