Апакаліпсіс у Менску: мастак «разбурыў» плошчу Перамогі
39- 6.09.2013, 9:55
- 33,755
Мастак Міхаіл Вершаль апублікаваў свае новыя працы.
Серыя фотакалажаў «Я бачыў Менск такім...» пачалася з незвычайнага погляду на Кастрычніцкую плошчу ў сталіцы - праца была апублікаваная ў сярэдзіне мінулага месяца. Міхаіл Вершаль абяцаў працяг серыі - і вось яно, перад вамі: плошча Перамогі, якая перажыла апакаліпсіс, піша onliner.by.
Нагадаем, аўтар выкарыстоўвае ў сваіх працах толькі фрагменты фатаграфій і інструментар Adobe Photoshop версіі 7.0.
«Ад рукі» я практычна не малюю, таму маё бачанне Менска - гэта чыстай вады фотамантаж і ніякіх маляваных элементаў або дэталяў, - кажа ён. - Я стараўся ўбачыць у горадзе нешта незвычайнае, паказаць іншы Менск. Калі шчыра, для мяне самым складаным быў этап падбору арыгінальнага фотаматэрыялу. Сам я - карэнны менчук, і, напэўна, таму ў маім фотаальбоме апынулася прызапашана вельмі мала фатаграфій. Прыйшлося кідаць справы і бегчы на вуліцу ў пошуках натхнення».