Менску - помнік Кастусю Каліноўскаму
9- 6.09.2013, 16:50
- 8,181
6 верасня актывісты грамадскага аб'яднання «Альтэрнатыва» расклеілі плакаты на тэму помніка Кастусю Каліноўскаму.
Плакаты «Менску - помнік Кастусю Каліноўскаму!» і іншыя былі размешчаныя каля станцыі метро «Маскоўская» (праспект Незалежнасці), па вуліцы Каліноўскага, на Нямізе, а таксама на ўездзе ў Менск з боку Масквы (побач з шыльдай «Менск - горад Герой!»), піша БелаПАН.
Пакуль чыноўнікі з Менгарвыканкама прымаюць канчатковае рашэнне па калектыўнай прапанове «Альтэрнатывы» адносна ўсталявання ў беларускай сталіцы помніка Каліноўскаму, актывісты вырашылі яшчэ раз выказаць сваю прапанову з дапамогай вывешвання адпаведных інфармацыйных плакатаў, а таксама з мэтай прыцягнуць увагу менчукоў да гэтага пытання.