На футбол на загад

Барысаўскія школы абавязалі даць на матч Беларусь-Кыргызстан не менш за сто чалавек.

Аб гэтым карэспандэнту Goals.by паведаміла настаўніца адной са школ.

- На кожную школу прыйшоў план - даць на матч не менш за сто чалавек. Што рабіць? Давялося выконваць, бо прэміі пазбаўляцца не хочацца, - расказвае настаўніца.

Настаўнік іншай школы адзначае, што хлопцы прыйшлі на футбол з ўласнага жадання.

- Наведванне гэтай гульні-мерапрыемства, запланаванае вашай школай?

- Кіраўніцтва аддзела адукацыі прапанавала школам прывесці хлопцаў на матч. Мы пайшлі ім на сустрэчу. Хлопцаў ніхто не прымушаў сюды ісці. Але ўсім школьнікам тут падабаецца.

- Месцы на сектарах спецыяльна адведзеныя для пэўных школ?

Вядома, каб не было панікі і вэрхалу, гарадскі аддзел адукацыі ўсё прадугледзеў. Кожнай школе адведзеныя пэўныя месцы. Сістэма павінна прысутнічаць. Вядома ж, з групай абавязаны знаходзіцца настаўнік. Ці мала што? - зазначыла настаўніца.

Матч скончыўся з лікам 3:1 на карысць Беларусі.

Фота: Goals.by