Беларускія біятланісты трапілі ў ДТЗ у Аўстрыі

Аварыя адбылася на хуткаснай трасе.

Учора каля поўдня ў камуне Графенверт (Ніжняя Аўстрыя) мікрааўтобус Volkswagen, у якім знаходзіліся беларускія біятланісты, трапіў у ДТЗ. Па паведамленнях мясцовых СМІ, некалькі чалавек атрымалі траўмы і былі дастаўлены ў бальніцу. Па папярэдніх дадзеных, мікрааўтобус урэзаўся ў раздзяляльную агароджу. Крыху пазней стала вядома: у машыне знаходзіліся члены нацыянальнай каманды Б, фактычна рэзервовы склад, піша onliner.by.

Па не вядомай пакуль прычыне мікрааўтобус занесла. Спачатку ён закрануў правым бокам агароджы, потым яго разгарнула і пярэдняй часткай ён урэзаўся ў адбойнік, усталяваны пасярэдзіне дарогі.

Некаторыя спартсмены з лёгкімі траўмамі былі дастаўлены ў бальніцу, паведамляюць аўстрыйскія СМІ. Аднак крыху пазней стала вядома: гэты выпадак на выступленні нашай каманды на Алімпіядзе ў Сочы ніяк не адаб'ецца. Па-першае, у машыне знаходзіўся рэзервовы склад. А па-другое, трэнеры і спартсмены не пацярпелі. Зараз усе члены каманды знаходзяцца на запланаваным месцы збору і сёння пачнуць трэніроўкі.

Супрацоўнікі паліцыі і пажарнай аховы эвакуявалі аўтамабіль з праезнай часткі. Машына была дастаўлена на адмысловую стаянку.