Сёння ва Украіне апошні дзень перадвыбарчай агітацыі
- 24.10.2014, 10:23
- 3,270
У суботу любая агітацыйная дзейнасць будзе ўважацца незаконнай.
У пятніцу, 24 кастрычніка, ва Украіне апошні дзень агітацыйнай кампаніі перад прызначанымі на нядзелю 26 кастрычніка, пазачарговымі выбарамі ў Вярхоўную Раду.
Усе 29 партый, якія ўдзельнічаюць у выбарчай кампаніі, і кандыдаты-самавылучэнцы у аднамандатных выбарчых акругах могуць весці барацьбу за выбаршчыкаў цягам пятніцы, паведамляе «Радыё Свабода».
Згодна з артыкулам 70 закона Украіны «Аб выбарах народных дэпутатаў Украіны» з надыходам паўночы, у суботу, пачынаецца так званы «дзень цішыні» і ўся рэклама - білборды, банеры, шчыты, налепкі, расцяжкі, улёткі і іншыя агітацыйныя матэрыялы - павінны быць прыбраныя. Спыніцца таксама і публікацыя апытанняў грамадскай думкі, якія могуць паўплываць на выбар выбаршчыкаў.
Ужо ў суботу любая агітацыйная дзейнасць будзе ўважацца незаконнай і пацягне за сабой наступствы для кандыдата або выбарчага аб'яднання, у чыіх інтарэсах яна праводзіцца.
Нагадаем, пазачарговыя выбары Вярхоўнай Рады адбудуцца 26 кастрычніка.
Фота: ТСН