Клічко: Якія могуць быць перамовы, пакуль льецца кроў?
22- 19.02.2014, 3:22
- 28,785
Перамовы Януковіча з лідарамі апазіцыі праваліліся.
Кіраўнік Украіны не здольны рэальна ацэньваць тое, што адбываецца ў краіне. Ён заявіў лідарам апазіцыі, што людзі на Майдане павінны спыніць супрацьстаянне і разысціся па дамах. Пра гэта заявіў лідар УДАРу Віталь Клічко пасля перамоваў з Януковічам у Адміністрацыі Прэзідэнта.
«Януковіч абсалютна неадэкватна рэагуе на сітуацыю. Усё, пра што ён казаў - гэта пра тое, каб лідары апазіцыі заклікалі людзей на Майдане спыніць супрацьстаянне і cкласці зброю. Незразумела, што за зброю ён меў на ўвазе, калі ў цэнтры Кіева сілавікі жорстка расстрэльваюць мітынгоўцаў, - адзначыў Клічко. - Я лічу, што ўлада павінна неадкладна адвесці сілавікоў і спыніць крывавае супрацьстаянне, таму што гінуць людзі. І я сказаў пра гэта Януковічу. Пакуль льецца кроў, якія могуць быць перамовы? Але, на жаль, разумення сітуацыі ў яго няма», - сказаў Віталь Клічко.
З Адміністрацыі Прэзідэнта лідар УДАРу паехаў на Майдан.
Фота: Reuters