З 25 сакавіка ў Менску часткова адключаць ацяпленне
2- 25.03.2014, 12:07
- 8,450
Такое рашэнне прынялі ў Менгарвыканкаме з улікам спрыяльнага прагнозу надвор'я.
З 25 сакавіка ў Менску скончыцца ацяпляльны сезон для ўсіх катэгорый спажыўцоў, акрамя дзіцячых садкоў, медустаноў, навучальных устаноў, аб'ектаў жылфонду, устаноў сацзабеспячэння, музеяў, дзяржархіваў, бібліятэк, інтэрнатаў і гасцініц.
Такое рашэнне прынялі ў Менгарвыканкаме з улікам спрыяльнага прагнозу надвор'я, перадае БелТА.
Як паведамлялася раней, у другой палове гэтага тыдня беларусаў чакае паступовае паніжэнне тэмпературы і да выходных - пахаладанне. Тэмпература ўначы ў выходныя 29 - 30 сакавіка прагназуецца ад нуля да мінус 5°С, днём плюс 1-8°С, па паўднёвым захадзе ноччу плюс 1-3°С, днём плюс 9-10°С.