СМІ паведамілі пра пакаранне смерцю 200 чыноўнікаў у КНДР
7- 2.04.2014, 13:27
- 24,488
У КНДР у бліжэйшы час збіраюцца расстраляць 200 высокапастаўленых чыноўнікаў.
Усе яны былі прыхільнікамі пакаранага дзядзькі Кім Чэн Ына Чан Сон Тхэка. Пра гэта 2 красавіка са спасылкай на крыніцу, якая пажадала захаваць ананімнасць, піша паўднёвакарэйская газета «Часон ільбо», піша Lenta.ru.
Па дадзеных выдання, мясцовыя спецслужбы выяўлялі прыхільнікаў Чан Сон Тхэка са снежня 2013 года. У выніку ў ведамстве склалі спіс, у які, акрамя 200 асноўных паслядоўнікаў, увайшла таксама тысяча менш блізкіх да чыноўніка людзей.
У Сеуле мяркуюць, што пакаранні пройдуць публічна. Як піша «Часон ільбо», каля тысячы членаў сем'яў расстраляных могуць трапіць у працоўныя лагеры.
Пра пакаранне намесніка старшыні Дзяржаўнага камітэта абароны Чан Сон Тхэка, якога лічылі другім па ўплывовасці чалавекам у краіне, стала вядома ў снежні 2013 года. Паведамлялася, што чыноўніка выкрылі ў карупцыі, непадпарадкаванні ўладам і распусным ладзе жыцця. Затым у прэсе з'явілася інфармацыя, што ўслед за Чан Сон Тхэкам рэпрэсіям падвергнуліся яго прыхільнікі. Аднак іх агульная колькасць, а таксама імёны не называліся.