Відэа з катом-узломшчыкам стала хітом YouTube

Відэазапіс набраў ужо больш за 2 мільёна праглядаў.

Кот, які жыве ў ветэрынарнай клініцы ў Марсэлі, дзякуючы сваёй здольнасці адкрываць замкі, стаў сапраўдным героем YouTube.

На працягу некалькіх дзён, ветэрынары спрабавалі зразумець, як на ноч зачынены ў клетцы кот, кожную раніцу сустракаў іх пад дзвярыма ў клініку. Пасля некалькіх безвыніковых спробаў замкнуць клетку лепш, ветэрынары вырашылі зафіксаваць дзеянне ката на відэа, піша ТСН.

У выніку, відэаролік набраў больш за 2 мільёна праглядаў, а кот стаў талісманам клінікі. Спецыялісты ж мяркуюць, што кот спрабаваў скапіяваць дзеянні людзей і шляхам многіх спроб і памылак адтачыў сваю тэхніку практычна да дасканаласці.