Чатыры сцэнара расейскага ўварвання ва Украіну
5- 8.04.2014, 13:28
- 17,072
Травень стане крытычным перыядам канфлікту.
Грунтуючыся на мностве фактараў, брытанскія эксперты з Каралеўскага Аб'яднанага інстытута абаронных даследаванняў (RUSI) прапануюць чатыры сцэнара магчымага расейскага ўварвання, паведамляе журналістLe Figaro Ален Барлюэ (пераклад - Инопресса).
Па дадзеных RUSI, Расея сканцэнтравала ўздоўж паўночна-усходняй мяжы Украіны на працягу ад Кіева да Харкава чатыры вайсковых групы агульнай колькасцю 50 тысяч чалавек.
Першы прапанаваны аналітыкамі сцэнар прадугледжвае кароткую дэманстрацыю сілы з мэтай прымусіць Украіну і сусветную супольнасць прыняць страту Крыма як факт, які адбыўся, гаворыцца ў артыкуле.
Другі сцэнар прадугледжвае дзеянні расейскіх сіл на Паўднёва-Усходзе Украіны для распальвання беспарадкаў. Яны паслужаць падставай для адкрыцця калідора паміж Крымам і Данецкам, які будзе дэ факта анэксаваны. "Трэці сцэнар, пашырэнне папярэдняга, дазволіць прарасейскаму руху прывесці да расколу краіны напалам, і рускамоўныя Поўдзень і Усход увойдуць у склад утварэння, параўнальнага з баснійскай Сербскай Рэспублікай", - піша журналіст.
"Згодна з чацвёртым сцэнарам, расейскія войскі зробяць стратэгічны манеўр для стварэння калідора, які злучае Прыднястроўе і Крым", - працягвае аўтар артыкула.
"Гэтая дуга, якая акрэслівае "новую расейскую тэрыторыю", зменіць мапу Чорнага мора і стане асноватворным выклікам для еўрапейскага парадку", - цытуе Барлюэ перасцярогу RUSI.