18 траўня 2024, Субота, 10:58
Падтрымайце
сайт
Сім сім,
Хартыя 97!
Рубрыкі

Дэпутата Еўрапарламента не пусцілі ў Беларусь

7
Дэпутата Еўрапарламента не пусцілі ў Беларусь

(абноўлена - 08:40) Еўрадэпутат Марэк Мігальскі не здолеў трапіць у Беларусь насуперак абяцанням уладаў.

Сёння ноччу ў Брэсце ён быў зняты з варшаўскага цягніка. Усю ноч палітык і сябры яго каманды правялі без сну ў памежнікаў.

Як паведаміла сайту charter97.org памочніца Марэка Мігальскага Ганна Бяляс, цяпер ён вяртаецца ў Варшаву. У 10:45 у польскім Сейме пройдзе прэс-канферэнцыя палітыка, прысвечаная інцыдэнту, які адбыўся з ім.

Марэк Мігальскі вядомы сваёй пазіцыяй па Беларусі, з'яўляецца актыўным прыхільнікам жорсткіх мер у дачыненні да беларускага рэжыму.

Ён на працягу трох апошніх гадоў абараняе беларускіх палітвязняў. Раней Марэк Мігальскі шмат намаганняў прыклаў для дапамогі Змітру Бандарэнку і Сяргею Каваленку. Пасля іх вызвалення не менш актыўна дамагаўся вызвалення Змітра Дашкевіча і Мікалая Статкевіча, якога працягвае падтрымліваць і цяпер.

Таксама еўрадэпутат праводзіў кампаніі па байкоту Чэмпіянату свету па хакеі ў Беларусі з-за рэпрэсій супраць апазіцыі.

У нашай краіне за кратамі знаходзяцца дзевяць арыштаваных на працяглыя тэрміны палітвязняў, у тым ліку былы кандыдат у прэзідэнты Мікалай Статкевіч і віцэ-прэзідэнт Міжнароднай федэрацыі правоў чалавека Алесь Бяляцкі. Акрамя таго, на працягу апошніх двух тыдняў супрацоўнікамі міліцыі былі затрыманыя каля 30 актывістаў апазіцыі. Праваабаронцы звязваюць арышты з правядзеннем чэмпіянату свету па хакеі ў Менску.

Напісаць каментар 7

Таксама сачыце за акаўнтамі Charter97.org у сацыяльных сетках