Джон Хербст і Збігнеў Бжэзінскі аб Расеі і Украіне (Відэа)
4- 28.05.2014, 10:49
- 11,406
У ЗША з пільнай увагай сочаць за развіццём падзей ва Украіне.
Сваім бачаннем таго, што адбываецца, падзяліліся з карэспандэнтам «Еўраньюс» Штэфанам Грабэ два палітыка, якія тут лічацца знаўцамі Усходняй Еўропы.
Джон Хербст быў амбасадарам ЗША ў Кіеве з 2003 па 2006 гады.
«Калі Украіна вырашыць увайсці ў ЕЗ, але не ў НАТА - гэта выдатна, - кажа ён. - Калі яна вырашыць, што не хоча быць членам ЕЗ або НАТА - таксама добра. Нядобра іншае: тое, што Расея можа выкарыстаць сваё войска і падтрымліваць мяцежнікаў, а таксама ўжываць эканамічны ціск з тым, каб Украіна зрабіла выбар, які жадае Крэмль. Гэта зусім непрымальна».
Былы дарадца па нацыянальнай бяспекі ЗША Збігнеў Бзежинский доўгі час быў адным з вядучых ідэолагаў амерыканскай знешняй палітыкі.
Аўтар кнігі «Вялікая шахматная дошка: панаванне Амерыкі і яе геастратэгічныя імпэратывы» да гэтага часу кансультуе вашынгтонскіх палітыкаў.
«Калі Пуцін думае пра інтарэсы Расеі ў доўгатэрміновай перспектыве, ён прыйдзе да высновы, што Расея, якая мае добрыя стасункі з Захадам, у тым ліку і з Украінай, будзе квітнець значна больш, чым Расея, якая стварае еўразійскую імперыю ў ізаляцыі», - лічыць ён.
«У знешнепалітычных колах Вашынгтона асцерагаюцца, што Украіна можа ператварыцца ў гарачую кропку тыпу Самалі. Новаабраны прэзідэнт Парашэнка паабяцаў, што не дапусціць гэтага. Адміністрацыя Абамы прыняла чакальную пазіцыю, лічачы, што ключ да вырашэння канфлікту знаходзіцца ў Маскве», - перадае з Вашынгтона Штэфан Грабэ.