Пілот «Формулы 1» зняў гістарычнае «сэлфі» за стырном (Відэа)

Ніка Росбэрг мае ўсе шанцы ўвайсці ў гісторыю як стваральнік аднаго з найвялікшых аўтапартрэтаў ў жанры «сэлфі».

Днямі ён зняў сябе за стырном легендарнага сярэбранага баліда Mercedes W196 1954 выпуску - аднаго з лепшых гоначных аўто свайго часу, на адным з якіх некалі выступаў пяціразовы чэмпіён «Формулы» Хуан Мануэль Фанхіё, паведамляюць аўтары блога Motoramic на Yahoo.

Здымка Росбэрга за стырном W196 адбылася на трасе Хокенхайм у Нямеччыне. Раней гоншчык ужо выказваў сваё захапленне балідам, але гэтым разам я наважыў падзяліцца ўражаннямі з прыхільнікамі, для чаго і скарыстаўся камерай, піша NEWSru.com.

Дарэчы, прымацаваць яе да баліда гоншчыку не дазволілі, таму яму давялося самому трымаць яе ў адной руцэ.

Для пачатку Росбэрг проста зняў сябе, сядзячы ў балідзе, затым абвёў камеру вакол, каб дазволіць будучым гледачам атрымаць уяўленне аб наваколлі. Затым гоншчык праехаўся па трасе, здымаючы сябе за стырном W196 з розных ракурсаў.

Аўтары блога адзначаюць, што балід, у якім зняўся Росбэрг, увайшоў у гісторыю не толькі дзякуючы атрыманым на ім перамогам. У мінулым годзе ён быў прададзены на аўкцыёне каласальным коштам- 29,7 млн даляраў, што зрабіла яго самым дарагім аўтамабілем у гісторыі.