За пяць месяцаў даляр падаражэў на 6%
6- 2.06.2014, 9:37
- 7,913
На 1 чэрвеня беларускія ўлады дэвальвавалі нацыянальную валюту ў адносінах да амерыканскага даляра на 6 адсоткаў.
Скончыўся чэмпіянат свету па хакеі, пасля якога некаторыя эксперты прагназавалі рэзкую дэвальвацыю беларускага рубля, а "зайчык" працягвае падскокваць уверх спакойна і планамерна, піша camarade.biz.
Як заявіў Лукашэнка 9 траўня, "дэвальвацыя, абвалы, войны, канфлікты - усё залежыць толькі ад вас. Калі вы гэтага не захочаце, паверце, гэтага ніколі ў Беларусі не адбудзецца. Я вам гарантую. Калі вы гэтага хочаце, так што ж я магу зрабіць?" Ён падкрэсліў, што ніякай дэвальвацыі за адзін раз ўлады не плануюць.
Паводле яго слоў, перыядычна гучаць прапановы правесці разавую дэвальвацыю на 10%, 20%: "Камусьці добра - экспарцёрам. Але гэта глыток паветра на нейкае імгненне. З іншага боку, гэта ўдарыць па ўсяму насельніцтву. Гэта ж прыстойны ўсплёск кошт. І ён потым іншым канцом ударыць па гэтых экспарцёрах. Нам гэта трэба? Нам гэта не трэба".
Ён нагадаў, што ў Беларусі з пачатку года адбылася плыўная дэвальвацыя, і ўлада не прымае спецыяльных мер для ўтрымання курсу беларускага рубля: "Мы ж яго не трымаем ссінелымі рукамі. Навошта ж павялічваць кошт на валюту, калі такой неабходнасці сёння няма".
Кіраўнік лічыць, што калі да канца года працягнецца плыўная дэвальвацыя беларускага рубля, то нічога страшнага ў гэтым няма.