Bild: Юнкер упэўнены, што ў ліпені ўзначаліць Еўракамісію

Жан-Клод Юнкер заявіў, што дзякуючы сур'ёзнай падтрымцы кіраўнікоў дзяржаў і ўрадаў узначаліць Еўракамісію.

Аднак ён мае намер весці переговры са сваімі апанентамі, перадае Deutsche welle.

Пазіцыя апанентаў Жана-Клода Юнкера не павiнна перашкодзіць яму заняць пасаду старшыні Еўракамісіі. Як заявіў Юнкер газеце Bild am Sonntag, у суботу 31 траўня, "Еўропа не павінна паддавацца шантажу". Па словах Юнкера, у яго ёсць "падтрымка большасці кіраўнікоў дзяржаў і ўрадаў - хрысціянскіх дэмакратаў і сацыялістаў у Еўропе". І таму "відавочна, што ў сярэдзіне ліпеня ён будзе абраны новым старшынёй Еўракамісіі". Але гаворка ідзе пра тое, каб "узяць з сабой на борт і іншых кіраўнікоў урадаў", таму ён прапануе сваім апанентам абмеркаваць асноўныя праблемы дзейнасці Еўракамісіі, піша Bild am Sonntag.

Да ліку праціўнікаў Юнкера, які быў вылучаны кандыдатам на пасаду кіраўніка Еўракамісіі ад Еўрапейскай народнай партыі, і дамогся лепшых вынікаў на выбарах у Еўрапарламент, адносіцца прэм'ер-міністр Вялікабрытаніі Дэвід Кэмеран, які заявіў, што Вялікабрытанія выйдзе з ЕЗ, калі Еўракамісію узначаліць Юнкер.

Bild am Sonntag таксама паказвае на крыніцы, паводле якіх прэзідэнт Францыі Франсуа Аланд хацеў бы бачыць на пасадзе старшыні Еўракамісіі француза.

У сваю чаргу канцлер ФРГ Ангела Меркель 30 траўня ўпершыню адкрыта падтрымала Юнкера.

Фота: Getty Images