Расея праводзіць вучэнні з «Іскандэрамі» на заходніх межах

Вучэнні працягнуцца да 5 чэрвеня.

Праверку воінскіх частак Заходняй ваеннай акругі, аснашчаных высокадакладнай зброяй вялікай далёкасці, праводзяць Узброеныя сілы РФ. Пра гэта паведамілі журналістам ва ўпраўленні прэс-службы і інфармацыі Мінабароны РФ, перадае РІА «Новости».

«У рамках планавай праверкі баявых магчымасцяў злучэнняў Узброеных Сіл Расейскай Федэрацыі, аснашчаных высокадакладнай зброяй вялікай далёкасці, у перыяд з 27 траўня па 5 чэрвеня 2014 года праводзіцца тактычнае вучэнне ракетнага злучэння Заходняй ваеннай акругі і Камандавання далёкай авіяцыі. У вучэнні задзейнічанае адно з ракетных злучэнняў Заходняй ваеннай акругі, на ўзбраенні якога знаходзяцца аператыўна-тактычны ракетны комплекс «Іскандэр-М» і самалёты далёкай авіяцыі», - гаворыцца ў паведамленні.

У ходзе мерапрыемства адпрацоўваюцца пытанні арганізацыі камбінаванай паразы сродкамі высокадакладнай зброі наземнага і паветранага базавання крытычна важных аб'ектаў умоўнага праціўніка. У ходзе планавых вучэнняў будзе правераная адзіная сістэма аўтаматызаванага кіравання, выведкі, паразы, радыёэлектроннай барацьбы, сувязі і інфармацыйнага забеспячэння высокадакладнай зброі наземнага і паветранага базавання.

Эфектыўнасць паразы мэтаў у ходзе выканання баявых стрэльбаў ракетчыкаў будуць ацэньваць пры дапамозе беспілотнікаў айчыннай вытворчасці з сучаснымі лічбавымі сродкамі візуалізацыі і перадачы дадзеных.

«Відэасігнал з апарата-выведніка ў рэжыме рэальнага часу перадаецца на пункт кіравання і кантролю на палігоне, а таксама ў цэнтр баявога кіравання, з якога ажыццяўлялася агульнае кіраўніцтва ракетнымі пускамі і стрэльбамі», - адзначылі ў Мінабароны.

У якім менавіта рэгіёне праводзяцца вучэнні, у прэс-рэлізе не ўдакладняецца. Між тым раней расейскія ўлады неаднаразова згадвалі пра магчымасць размяшчэння «Іскандэраў» у Калінінградскай вобласці, расейскім анклаве ў Еўропе, акружаным Польшчай і Літвой.

Гэты крок Масква, як паведамлялася, разглядае як адказную меру на разгортванне ва Усходняй Еўропе амерыканскай сістэмы супрацьракетнай абароны. У снежні мінулага года Уладзімір Пуцін заявіў, што рашэнне аб размяшчэнні «Іскандэраў» у Калінінградскай вобласці яшчэ не прынятае. Кіраўнік МЗС Расеі Сяргей Лаўроў тлумачыў, што «калі неабходнасць (разгортвання) узнікне - гэта вырашаць вайскоўцам».

Новы віток дыскусія аб магчымасці размяшчэння «Іскандэраў» атрымала ўжо ў гэтым годзе.

Аператыўна-тактычны ракетны комплекс «Іскандэр» - адзін з самых магутных ударных комплексаў Сухапутных войскаў Расеі. «Іскандэр» з дапамогай галаўных частак розных тыпаў можа паражаць розныя мэты - ад войскаў праціўніка да заглыбленых камандных цэнтраў. Пры неабходнасці ракеты могуць несці ядзерную баявую частку.

Выпрабаванні комплексу скончыліся ў 2007 годзе. У версіі «Іскандэр-М» і «Іскандэр-К» комплекс прынятыя на ўзбраенне расейскай арміі. Існуе экспартная версія «Іскандэр-Э» з адной ракетай на пускавой устаноўцы замест двух і з далёкасцю стральбы да 280 кіламетраў.

Фота: РІА «Новости»