З парыжскага музея скралі скульптуру Сальвадора Далі
7- 2.06.2014, 16:37
- 9,644
З музея ў Парыжы невядомы скраў скульптуру Сальвадора Далі "Профіль часу".
Рабаванне было здзейснена ў суботу, піша "Інтэрфакс".
Скульптура ўяўляе сабой гадзіннік, які плавіцца, падобны на той, што намаляваны Далі на карціне "Сталасць памяці". Кошт выкрадзенай скульптуры ацэньваецца ў 22 тысячы еўра.
У той жа дзень з іншай выставачнай залы, размешчанай усяго толькі ў ста метрах ад першай, яшчэ адзін невядомы паспрабаваў выкрасці скульптуру Далі "Танец часу", аднак яму перашкодзіў пільны турыст. Абедзве працы Далі не былі абсталяваныя сігналізацыяй. Паліцыя вядзе пошук злачынцаў.