Брытанцы навучыліся кіраваць Google Glass сілай думкі (Відэа)

Распрацоўнік інтэрфэйсаў This Place размясціў код прыкладання MindRDR для акуляраў Google Glass, якое дазваляезрэалізаваць разумовае кіраванне аксэсуарам.

Для рэалізацыі гэтай магчымасці ўладальніку Google Glass трэба ўсталяваць прыкладанне MindRDR і набыць датчык электрычных імпульсаў галаўнога мозгу Neurosky MindWave Mobile коштам 100 даляраў, перадае CNews.

Датчык Neurosky MindWave Mobile нагадвае гарнітуру і мацуецца да галавы з дапамогай уласнага вобада. Яго трэба надзець разам з Google Glass, піша NEWSru.com.

У сваю чаргу, прыкладанне MindRDR служыць свайго роду драйверам MindWave для Google Glass. Пасля падлучэння карыстальнік зможа кіраваць камерай акуляраў і дзяліцца створанымі з яе дапамогай здымкамі з сябрамі ў Facebook і Twitter, выкарыстоўваючы разумовую канцэнтрацыю.

"MindRDR злучае праз Bluetooth акуляры Google Glass з MindWave, прыладай маніторынгу мазгавой актыўнасці, дазваляючы карыстальніку рабіць фатаграфіі і адпраўляць іх у Twitter і Facebook. Ніякага фізічнага ўзаемадзеяння не патрабуецца", - гаворыцца на старонцы прыкладання.

Адзначым, што звычайна Google Glass робяць здымак націскам кнопкі і наступнай галасавой камандай. У траўні 2013 году выйшаў дадатак Winky, які дазваляе рабіць здымак пасля лыпання вачыма. Прапанова ж ад This Place дазваляе рабіць фота цалкам неўпрыкмет, што наўрад ці спадабаецца навакольным. Раней у гэтым годзе Google выпусціла невялікі этычны даведнік для карыстальнікаў разумных акуляраў.