Мінспорту: Грошай не хапае

Грошай не хапае на біятлон (3 млрд рублёў), канькабежны спорт (1,7 млрд) і веславанне (4 млрд).

Пра гэта заявіў першы намеснік міністра спорту і турызму Беларусі Аляксандр Гагіеў на справаздачна-выбарчай канферэнцыі Беларускай федэрацыі гандбола 10 ліпеня.

Фінансаванне ж гандбола, з ягоных слоў, склала 123% ад плана, паведамляе БелаПАН.

Ён падкрэсліў, што за апошнія восем гадоў, цягам якіх федэрацыяй кіруе Уладзімір Канаплёў, фінансавае становішча клубаў палепшылася, БФГ стала ўкладваць больш сродкаў. Гагіеў пагадзіўся з наяўнасцю фінансавых праблем у гэтым відзе, але, характарызуючы ўзаемаадносіны з федэрацыяй, прызнаў: «Хто цягне, на таго і грузяць».